中國外交再唔係120年前嘅辛丑年

中美兩國最高外交官員於3月19日响美國阿拉斯加加安克雷奇展開會議，响會議中開場白環節出現罕見嘅場面，雙方發言針峰相對，有傳媒更以「火藥味濃」嚟形容會議情況。唔少內地網民就大讚中國外交官員表現，仲笑美國「以為是120年前的辛丑年嗎？」

佢哋講嘅120年前辛丑年，就係1901年。响1900年，八國聯軍入侵中國，攻陷北京，當時代表中國嘅滿清政府就同列強講和，最終就响1901年簽定不平等條約平息事件。由於1901年係辛丑年，所以呢條不平等條約就叫辛丑條約喇！當年滿清政府同英國、美國、日本、俄羅斯、法國、德國、意大利、奧匈帝國、比利時、西班牙同荷蘭等國家簽定嘅呢條辛丑條約，係中國近代史上賠款數目最龐大、主權喪失最嚴重嘅不平等條約。其中一條最為屈辱嘅條款，就係中國要賠償4.5億兩白銀，因為當年中國人口係4.5億，即係罰每人一兩白銀，真係羞辱之極。另外仲有外國可駐兵中國、海關鹽稅被列強控制等，仲有各國响中國各地劃分租界，令中國淪為半殖民地國家。所以話1901年嘅辛丑年，係中國外交史上慘痛嘅一年。

120年後，睇返中國外交高層同美國外交官員針峰相對，就知真係今時唔同往日。