「今天不再是120年前的辛丑年！」呢句話近日無論响香港抑或內地社交平台都經常睇到。今日阿史就見到一篇關於百幾年前一位清朝駐美官員响美國被當地警察羞辱後自殺報道，有網民就指今時今日嘅中國，唔會再有呢類事情發生。

呢位當年魂斷異鄉嗁官員叫譚錦鏞，係一位武官，當年跟隨清駐美國公使梁誠赴美，後嚟响美國舊金山自殺。不過响網上關於佢自殺嘅記載相對雜亂，甚至連對白都有埋。阿史搵一搵資料後，覺得都係建議睇返梁啟超嘅描述。梁啟超响1903年應華人團體之邀巡遊美國，仲寫咗見聞錄，名為《新大陸遊記》，當中有就內容提及呢件事。據佢响《新大陸游記》所載：「在砵侖讀舊金山華文報紙，知有我領事館一隨員譚某為西美國警吏辱毆自戕之事。余深為國體痛，作輓詩三章（稿不存，其一不復記憶）。」譚某就係譚錦鏞，因被美國警吏辱毆，最終自戕。咁譚錦鏞被當地警察羞辱毆打就應該真有其事，佢最後自殺亦令梁啟超好痛心，所以就作咗輓詩嚟悼念呢位武官

（一）

丈夫可死不可辱，想見同胞尚武魂。

只惜轟轟好男子，不教流血到櫻門。

（二）

國權墮落嗟何及，來日方長亦可哀。

變到沙蟲已天幸，驚心還有劫餘灰。

原圖：網絡