呢兩日新疆棉花成為全球焦點，中國人民上下更加支持新疆棉花，包括內地唔少藝人都高調支持。棉花係新疆地區其中一種重要農產品，亦係中國境內重要嘅產棉區。不過棉花並唔係新疆原有土生土長嘅植物，而係從另外嘅地方引入種植。

新疆種植棉花嘅，可以追溯到西漢時期，响當地出土嘅歷史文物中，就有棉紡織品，可以證明當時棉花已經响新疆出現。不過，當時嘅棉花就同今日新疆出產嘅棉花係唔同，今時今日新疆種植嘅棉花主要係長絨棉，呢個品種嘅棉花就係响十九世紀開始引進新疆地區，但真正大規模種植就係响上世紀五十年代開始，種植嘅就係由蘇聯培養嘅中亞長絨棉，新疆巴音郭楞、吐魯番盆地、塔里木盆地等地都係新疆棉花嘅產區。今時今日，新疆年棉產量佔全國八成以上，都咪話唔勁。

其他棉花種植同新疆鄰近嘅中亞地區有好大關連，至於有乜故事呢？下次再講。

原圖：網絡