紅磡有條青洲街，可能唔少人估到係同地方名有關。無錯！呢個名係同中國某處係有關係，不過，更大關係嘅係同一個企業有關。

响以往，紅磡一帶係香港嘅工業重鎮。除咗有黃埔船塢，仲有一間英坭廠。呢間英泥廠叫做青洲英坭廠，由新旗昌洋行創立，呢間英泥廠建於昔日嘅紅磡鶴園。當時英坭廠嘅生產原料就嚟自香港各個礦場，包括坭同鐵礦砂。據講青洲英坭嘅出品質量好高，仲可以媲美歐洲頂級貨。而响1931年，政府就將青洲英坭廠附近一條街命名為青洲街。

隨著都市發展，响1960年代英坭部分廠房開始拆卸，長江實業集團增持青洲英坭股權，仲將英坭廠搬往屯門踏石角，青洲街就成為紅磡地區曾經有英坭廠嘅一個印記。

原圖：網絡