繼續同史友們介紹一啲香港嘅特色街道，以往阿史都有同大家講過全港最長同最短嘅道路，咁如果問起最斜嘅道路，大家又諗唔諗到係邊一條呢？畀啲提示大家，呢條道路係位於西營盤架！

當區嘅居民可能會有啲頭緒，事關親身行過嘅人就會知道呢條路有幾斜，而呢路就係正街喇！正街由平面睇嚟就係一條好直、由南到北走向嘅下山坡路，但真係行上呢條街，大家就會知道呢條路真係好斜！正街現時就係全港斜道最高嘅道路，足足達到1:4，所以佢又有「長命斜」呢個名，亦都係因為呢度咁斜，所以以往都發生過唔少交通意外。而現時，呢條街道主要就係圍繞住正街街市、西營盤街市同埋超級市場，亦都有設立自動扶梯連接系統，方便途人上落。史友們如果得閒，不訪可以去行下感受下呢條香港最斜嘅街道。

原圖嚟自網絡