2005年中國國內因乜事發起杯葛日貨行動？

尋日就同史友們講到五四運動之後國內有唔少知識份子發起杯葛日貨行動，持續幾年嘅活動得到廣大民眾支持，甚至仲令到日本對華質易大受打擊。而時間去到2005年，中國國內又有一場重大嘅杯葛日貨行動，到底因乜事而起呢？阿史今次就同大家介紹下啦！

喺2005年，相信唔少史友可能都有印象國內有唔少主流媒體廣泛報導過唔少杯葛日貨日貨嘅新聞，而呢次事件嘅起因全因為日本政府批准通過新嘅教科書內容，當中就美化自己嘅侵略歷史；與此同時，佢哋嘅領導人小泉純一郎仲多次以官方身份參拜靖國神社，呢個舉動唔單止令到中國不滿，就連韓國同埋其他東南亞國家都表示抗議。

而因為呢次事件，全國各地都爆發反日示威，遊行持續咗幾日，中關村、上海等地嘅商業都需要關門，甚至唔少家電鋪入面嘅日本商品都即時下架，民眾就呼籲抵制日貨、振興中華，成場杯葛日貨行動就係咁樣而起。