大學大埔墟仲間有個車站？

坐過九鐵（依家叫東鐵）應該知道，大學站北行下一個站就到大埔墟站，咁史友們又有無聽過，以前大學站同大埔墟站之間，原來仲有一個火車站呢？

呢個火車站就係大埔滘站喇！响九鐵未實現電氣化時，沿線就有呢個站，而且仲係九廣鐵路英段一開通就有呢個站。呢個站位置係响大埔滘，個站以前係叫大埔。呢個地方昔日其實係新界東北地區一個水陸交通交匯處，因為當時呢個有個碼頭，好多街渡都將呢度設為出發點，而新界東北同離島居民坐完船就响大埔滘站上火車。

不過後嚟馬料水碼頭落成，呢個站人流就大減，客流量太少亦令九鐵响計劃電氣化時，決定將呢個站廢咗。就係咁，响1983年5月，大埔滘站就完成歷史使命，消失响香港鐵路版圖當中。