早幾日就係「中國核潛艇之父」彭士祿離世嘅日子，佢一生為中國嘅核潛艇作出唔少貢獻，而提起呢位傳奇人物，自然就要介紹中國研製第一種核潛艦09I型核潛艦。
要知道中國嘅核潛艦計劃係喺1958年嘅6月開始，之但係當時喺呢方面仲係新開始嘅中國，並冇得到外來嘅支援，喺資源同埋相關知識不足嘅情況下，計劃一度擱置去到1965年先至重啟。當時中國就開始建造一座陸上模擬反應爐作為未來核潛艦提供動力試驗，而呢個計畫去到1969年就開始取得重大進展。當時有一組頂尖科學家小組投入呢個計畫，當中總設計師係彭士祿，副總設計師係黃旭華、趙仁愷、黃緯祿，佢哋同其他人員將第一艘09I型核潛艦嘅實體模型放樣建造，並且喺1970年4月完成總體試水、模式反應爐亦都喺同年7月成功試行。
1971年8月23日，091型首艇1701成功由電機轉換為核動力航行狀態，意味住中華人民共和國研製第一種核潛艦研發成功，而現時呢種型號嘅艇仲有三艘在役。
原圖嚟自網絡