香港都有青洲？

之前介紹咗澳門有個青洲，紅磡又曾經有一個青洲英坭廠，其實香港都有個青洲。

呢個青洲位於香港島西邊，係維港中一個小島，同堅尼地城隔咗個硫磺海峽。雖然個名係青洲，但就同青洲英坭廠無關係，而島上亦無水泥廠設施。咁島上有乜嘢呢？島上主要有兩個設施，一個係青洲燈塔，一個係青洲羈押中心。

講到青洲燈塔就犀利喇！由於呢個島位處維港最西端，所以係進出維港航道嘅重要位置，因此，响1875年，島上就出現咗第一座燈塔，後嚟當局有鶴咀燈塔嘅訊號燈搬到青洲。就係咁，响1905年，青洲就出現咗新燈塔，青洲島上就有新舊燈塔。响2008年，青洲燈塔建築群被列為法定古蹟。