「曹公潭」命名 同一個滑倒溺斃嘅官員有關？

一連幾日嘅復活節長期，唔少港人都選擇假日去到郊野鬆一鬆，見到此情此景，阿史我就諗返起以前讀書果陣放假成日都會去曹公潭，以前就以為曹公潭只係一個簡單地名，但原來真係講開有段故！

曹公潭位於新界荃灣區，係一個郊遊地點，亦都設有配水庫以及天然嘅瀑布，潭水上游仲係嚟自大帽山嘅雨水。就咁聽落都知道，呢個地方係用一個名為「曹公」嘅人命名，咁呢位「曹公」到底又係乜水呢？

相傳喺南宋末年，宋端宗趙昰等人因為逃避戰亂而走難嚟到香港呢一帶，咁就喺景炎二年（1277年）曾經短暫喺荃灣一帶住過。而喺隨行嘅官員入面，就有一位姓曹嘅大臣喺橫過呢個潭果陣唔小心差錯腳滑倒溺斃。由於呢件事太過悲慘，後人為咗紀念佢就將呢個潭命名為「曹公潭」。