被稱為「當代倉頡」嘅祁建華

尋日阿史就同史友們介紹到中國建國初年嘅「掃盲運動」令到喺全國推行，去到60年代就已經成功令到一億人脫離文盲。而講到呢次運動成功嘅因素之一，就一定要為大家介紹被稱為「當代倉頡」嘅祁建華。

祁建華年幼嘅時候畢業於中原軍區軍政大學，曾經就參與過加淮海戰役、渡江戰役，喺1949年加入中國共產黨，後來任職文化幹事。其實早喺掃盲運動開始之前，祁建華就已經研究速成識字嘅方法，當時就諗到以漢語注音符號為輔助，佢就估計就算係一個文盲都可以喺一個星期之內識到一千個常用漢字，而呢套方法後來就被稱為「祁建華速成識字法」。

時間去到1949年12月1，當時中國政府就決定廣泛推行「速成識字法」，祁建華就被任命為「模範文化教員」，聯同多位教育界、文化界學者就好似徐特立、葉聖陶等推行「速成識字法」，而「掃盲運動」就係喺之後嘅1952年展開。祁建華一生都有唔少波折，就好似喺1957年反右運動當中被捲入政治旋渦，直到1978年先被平反。