早兩日阿史就同大家分別介紹咗「衣冠禽獸」同埋「人面獸心」呢兩個詞，咁就有史友想阿史講一講「香蕉人」呢個詞，咁就當然冇問題啦！

提起「香蕉人」，年輕嘅史友可能會諗起一系列嘅卡通人物，但呢個詞語實際上係有一啲貶意嘅意思。香蕉大家都可能食唔少，香蕉表面就係黃，內部就係白，兩個特點加起嚟就係「黃皮白心」，呢個先至係「香蕉人」呢個詞嘅真正意思。

香蕉人（American-Born Chinese）呢個詞語最早係用嚟調侃一啲生住華人樣貌，但思想同埋文化都徹底西化嘅人，甚至唔識寫中文嘅華人；而後來呢個詞就被廣泛利用，去諷刺信奉西方文化優越論嘅黃種人，所以「黃皮白心」都有好多重意思架！而喺早期嘅粵語，又有「竹升仔」、「竹升妹」呢類嘅叫法，下篇再同大家介紹下啦！

原圖嚟自網絡