埃及出土3000年前 「黃金城」遺址

埃及作為世界嘅文明古國之一，以往都有唔少重要嘅考古發現，而近日據講考古團隊就發現到一個保存狀況相當良好嘅古城。

據考古學家公佈，今次發現到嘅古城位於埃及樂蜀，大概嘅位於就係拉美西斯三世（Ramses III）神廟與阿蒙霍特普三世（Amenhotep III）神廟之間。古城既被稱為「阿頓崛起」（The Rise of Aten），又因為佢嘅建成年份可以追溯到3000年前法老黃金年代，所以又有「黃金城」呢個名。

呢個「黃金城」始建於公元前1390年阿蒙霍特普三世執政年代，後來就被圖坦卡門等繼位君王沿用，而經過一段時間嘅發掘，考古團隊就幾乎搵到遺址嘅整體結構好似行政、民居區域、麵包店、紡織業、製金業、玻璃製造等行業嘅遺址，甚至連帝王墳墓建築都有，難怪呢次發掘公布之後，就有考古教授直言呢呢次發現係繼圖坦卡門古墓後最重大嘅考古發現。