早兩日阿史就同大家介紹到美國推動政變佔據夏威夷,而提到呢類事件,美菲戰爭就當然都要同大家介紹下!

美菲戰爭,又叫做菲律賓起義,係一場發生喺1899年去到1902年嘅戰爭。呢場戰爭最初就係為咗反抗西班牙殖民統治而由美國以及菲律賓發動。喺美西戰爭期間,其實美國同菲律賓革命領袖就表示自己無意殖民菲律賓,所以當地嘅革命領袖先至肯同美軍並肩作戰驅逐西班牙軍隊,之但係當西班牙軍隊離開菲律賓群島後,美軍就突然倒戈相向,先係喺1898年8月14日,佔領馬尼拉成立軍事政府,授權軍事總督掌握行政、立法、司法大權。

時間去到1899年2月4日,美軍就正式同菲律賓共和軍之間爆發戰鬥,甚至後來仲宣埋戰,爆發馬尼拉戰役。戰事最終去到1902年7月結束,美國占領改變菲律賓,喺戰爭期間對鄉村都係採取全面燒毀策略、用水刑方式折磨村民,而且仲會殘殺10歲以上兒童,據估計至少有140萬菲律賓人喺戰爭中死亡,真係相當殘忍嘅一次種族滅絕行為。

原圖嚟自網絡