今時今日如果喺國內旅行想享受陽光與海灘,海南就自然係唔少人嘅選擇之一,而呢個省份之所以可以有今時今日嘅發展,就同當年今日嘅一個決定好有關係。

提起現時全國六個經濟特區,海南省係面積最大嘅一個,全省陸地總面積約3.54萬平方公里,其中本島陸地面積3.39萬平方公里,約占海南省陸地面積的95%。喺1988年4月13日,第七屆全國人民代表大會第一次會議通過舉手表決方式撤銷廣東省海南行政區,設立海南省並且建立經濟特區。

而喺同年嘅26日,海南省委、海南省人民政府正式掛牌,從此之後海南成為我國最年輕嘅省份同埋面積最大嘅經濟特區,往後就曾經就作為唔少重要政策嘅一個試點,就好似全民所有制企業股份制試點、基本養老保險制度試點、外資成片開發洋浦經濟開發區等等,為唔少全國推行嘅政策作出重要嘅改善。

原圖嚟自網絡