早排阿史都同大家介紹過內地嘅考古團隊時隔一段好長嘅時間之後,再次喺三星堆有重大嘅發現,而呢一次其中一樣重點文物就係半塊「黃金面具殘片」。

咁點解阿史會冇啦啦提起呢塊面具呢?原來內地就有一位年僅25歲嘅網紅拍攝咗一段影片,而呢段影片嘅內容就係紀錄佢用咗20萬人民幣以及15日嘅時間,一手一腳咁用500克黃金敲打數萬錘,純手工咁復原返三星堆黃金面具。

據了解,三星堆新出土嘅半張黃金面具,寬約23cm、高約28cm、重約280克,綜合以上數據,專家就推測面具完整重量係500克左右。於是呢位本身係手工愛好者嘅網紅就忽發奇想,用手工方式體驗3000幾年前嘅工匠係點樣打造面具。唔少網民睇到成條影片之後,都大讚佢出色嘅手藝,甚至連三星堆博物館副館長朱亞蓉都留意到,仲邀請呢位網紅去博物館返工,認真有趣。

原圖嚟自網絡