早兩日就係孔子逝世三千年嘅日子，阿史亦都講咗唔少關於孔子嘅故事，之但係大家又知唔知道孔子死後其實係葬咗喺邊度呢？

答案就係孔林喇！如果有史友曾經去過呢個地方，祇有都知道成個墓園有成三千幾畝，到底邊塊先係孔子嘅墓地呢？其實據記載孔子死後就葬咗喺曲阜泗水之陽、洙水之陰，亦即係今日孔林嘅位置，而孔林最初亦都只不過係得孔墓，但由於後來孔子嘅後裔都喺周邊結塚而葬，更加因為孔子嘅名聲喺歷朝歷代都有唔少嘅提高，相繼都有頒賜祭田、墓田、增建殿堂，令到呢個原本細小嘅墓園擴建成三千幾畝。

孔林發展到今時今日就已經係全國規模最大、持續年代最長、保存最完整嘅家族古墓群，孔子直系嘅後裔已經葬至第76代衍聖公孔令貽，認真誇張！

原圖嚟自網絡