提起抗日戰爭、襲擊珍珠港等等嘅事件，相信唔少史友都會即時諗到一個人阿，就係日軍嘅頭目之一山本五十六。身為日軍海軍元帥嘅山本五十六，同當時陸軍乃木希典並稱日本軍國主義嘅「軍神」，而佢喺1941年偷襲珍珠港嘅時候，係作為總指揮並且令到美軍太平洋艦隊受到重創。而喺殲滅大量美軍艦艇後，山本五十六就轉為參加日本陸軍同埋參謀本部嘅戰略計劃，攻擊咗大量美國、英國、荷蘭等國艦艇，亦都展開咗著名嘅中途島作戰。

時間去1943年4月16日，一件決定性嘅事件發生咗，就係有「中國黑室」之稱嘅中國「軍技室」成功破譯到日軍頭目山本五十六出巡密電，得知晒山本五十六嘅行程詳細資訊，並且將呢個消息通知畀美方。結果4月17日早上，美軍16架P-38式戰鬥機適時出擊，山本五十六座機被準確擊中，同機11人全部身亡。

原圖嚟自網絡