今時今日假如有人講野講啲唔講啲,喺重要關頭故弄玄虛,史友們都會形容呢種行為叫做「賣關子」,之但係「關子」到底又係咩嚟呢?今次阿史就同大家介紹下啦!

所謂嘅「關子」,其實就係南宋紹興元年因為婺州屯兵而特別印造嘅一種提貨清單,又或者都可以理解成係有價證券。商賈凡係要喺婺州買野,都要先用錢換取關子,然後再去到設喺都城臨安嘅榷貨務兌換銅錢或鹽、茶等物品,喺呢種交易方式之後,就算有錢都唔可以直接買到貨物,而係需要以「關子」呢種間接嘅方式進行。

「賣關子」原義就係唔想畀商人直接拎到想要嘅貨物,而係要先多一重嘅手續,於是後來呢個詞就被理解成故弄玄虛或設置懸念咁解喇!

原圖嚟自網絡