特首林鄭月娥响社交專頁話，同海南省領導磋商後，香港青年好快就响個度有就業同創業機會，港青年可以享受椰林樹影同港人喜愛嘅海南雞飯。結果此話一出，就有好多人响網上話海南島食唔到海南雞飯架！

海南島無海南雞飯，咁係乜嘢一回事呢？海南雞飯其實又唔係真係同海南島毫無關係，不過就唔算太直接。海南島有道名菜叫文昌雞，將雞浸熟斬件，再用雞油炒香絲苗米同埋以浸雞的湯作煮飯嘅米水，就係文昌雞其中一款食法。後嚟好多海南人去咗南洋謀生，就將文昌雞製法帶到南洋。由於呢款製法來自海南，所以就叫做海南雞飯喇！

不過，今時今日海南雞飯就唔單止自成一派，响新加坡、馬來西亞等地都各有特色，所以海南雞飯關係唔算太直接，就係咁解喇！

原圖嚟自網絡