近排阿史就睇到網上流傳一輯相片,入面就係故宮太和殿嘅場景同埋一個典禮嘅舉行。

阿史查咗下,就發現原來呢一輯相片當年係1945年10月20日刊登喺北平《生活畫報》,係一場喺故宮太和殿舉行嘅對日受降儀式。據當年報章嘅描述,呢場受降儀式係舉行喺10月10日,當時北平就有一百五十幾萬平民嚟到呢一區,望住果班曾經蹂躪過佢哋嘅日軍低頭降伏,而當時平民嘅面上係掛住笑容同欣快。

當年嘅受降儀式其實只係得十幾分鐘,但天安門嘅門洞就塞滿晒人,就連太和殿門前都係摩肩接踵,大家都一同見證十一戰區對日受降嘅簽字同埋二十一位日軍降將解低佩刀嘅一幕,咁亦都意味住抗日戰爭結束,平津地區嘅12萬日軍正式徹底解除武裝,無條件向中國軍隊投降。

原圖嚟自網絡