以往阿史都同史友們介紹唔少流落海外又或者喺拍賣場所出現嘅文物，呢啲文物都係極之珍貴，但因為各種歷史原因無可奈何落入他人嘅手中，而近排又再次有一件珍品喺拍賣場所高價拍賣。

阿史今次要逋嘅就係乾隆「紀恩堂」玉璽喇！所謂嘅「紀恩堂」喺清朝年間其實就有兩個同名嘅地方，一個就係圓明園，而另一個地方就係承德避暑山莊，「紀恩堂」呢個名並唔係隨便改，而係乾隆帝為紀念康熙帝對他嘅眷顧託付深恩而特別命名。

而呢次拍賣嘅玉璽就係乾隆御寶交龍鈕白玉「紀恩堂」璽，當中就以陽文篆刻「紀恩堂」三字，印體周圍陰刻乾隆帝御製文《紀恩堂記》，反映出佢同康熙帝之間祖孫深厚情意。

據史料記載，呢個玉璽喺1860年英法聯軍火燒圓明園果陣就曾經被燒灼，所以表面都有明顯嘅火燒痕跡，慶幸印鈕、印體、印面文字均完好無損。呢個玉璽英法聯軍之役嘅時候未被掠奪，但後來就流落法國，曾經喺1994年、2004年都以超過1億嘅價錢成功拍賣。

原圖嚟自網絡