中國內地地大物博，奇人異士都特別多，早排就同大家介紹過有位網紅用二十萬嘅黃金人手打造三星堆嘅黃金面具，當場令到唔少網民震驚。以為咁樣已經好犀利？未算啊，近排就有一位90後女仔，用咗5個月時間喺自己屋企後院做咗一個「故宮亭」出嚟啊！

呢個浙江女仔叫做蘇清吾，佢本身係一個自由攝影師，平時就已經好鍾意做下啲手工藝，而且都好鍾意故宮嘅建築，於是佢就喺舊年有個打算，就係喺自己屋企建立一個「故宫亭」。由於佢冇任何建築基礎，喺果個時候開始佢就讀咗大量書籍同視頻，一邊睇一邊嘗試，「故宫亭」嘅斗拱，彩畫，地仗、榫卯全部都係由佢一手一腳打造，諗下都知當中過程有幾辛苦。

而經過五個月時間之後，真係有一座精美嘅「故宮亭」穩穩陣陣咁出到嚟，真係令人感歎啊！

原圖嚟自網絡