國際太空站係幾時建成？

話說尋日就有對於我國、以至係未來太空發展嚟講相當重要嘅消息，就係成功發射太空站天和核心艙，亦即係未來太空站管理控制中心，可以同時容納三個航天員長期喺太空軌道生活，真係意義非凡。

咁講起太空站，史友們應該都知道其實已經有個國際太空站升空，咁到底呢個國際太空站係幾時建成呢？國際太空站其實就係1998年升空，係一個近地軌道上執行嘅科研設施，亦都係人類歷史上第九個載人太空站，主要功能就係喺微重力環境下進行生物學、物理學、天文學等等嘅研究，並且係由美國、俄羅斯、日本、加拿大同埋歐洲太空總署共同運作。

至今為止，其實已經有好多個國家喺呢度執行過太空任務。咁史友們可能都想問，點解呢個項目入面冇中國呢？原來當年美國就出於政治原因反對中國、以及中方資金加入呢個項目，所以令到中方要決定自己整一個太空站喇！