如果今時今日提起「安樂村」呢個名,相信唔少史友都會諗起香港主要嘅工業區之一安樂村工業區,之但係原本「安樂村」係大有來頭架!今次阿史就同大家介紹下啦!

位於粉嶺黃崗山以北嘅安樂村,原本係唔少富人同埋文人嘅別墅之區,入面亦都有一條由香港商人馮鏡湖等人喺1915年集資所建立嘅一條村落,呢條係一條雜姓村,入面就住咗李、徐、鄧、馮等姓氏嘅居民。而呢條村其實仲有另一個功用,喺20年代左右安樂村喺英國人製嘅地圖之上,係標記住Hunter's Arms、The Hunter's Arms,當年呢度仲有個粉嶺狩獵賽馬會,佢哋嘅會員都喺度進行唔少狩獵活動。

直到1941年日本攻佔香港之後,粉嶺狩獵賽馬會停止營運,安樂村亦都曾經作為憲兵分部,專門用作審問犯人。去到戰後,粉嶺狩獵賽馬會就被併入香港賽馬會,而安樂村就喺80年代左右被規劃成「粉嶺工廠區」,村民無奈被逼遷。

原圖嚟自網絡