尋日就同史友們介紹到前身係狩獵場嘅粉嶺安樂村，而安樂村原先其實就有一座比較罕見嘅軒轅祖祠，而後來就重建成黃帝祠，到底呢座係咩建築物呢？阿史今次就同大家介紹下啦！

黃帝祠面向聯和墟，前身就係建於1925年嘅軒轅祖祠，以往就曾經係新界北區居民祭祀同埋議事嘅公祠，後來亦都成為新農學校嘅校舍。喺安樂村重建成安樂村工業區果陣，其實軒轅祖祠係得以保留落嚟，但去到2000年果陣，龍躍頭嘅鄧氏就將呢座祠拆卸重建，歷時接近5年建成，並且正名為「黃帝祠」。

剛才阿史都講到，呢類嘅建築相當罕見，唔講真係唔知原來係華南首間具規模嘅軒轅黃帝紀念建築。「黃帝祠」樓高七層，集儒、釋、道三教，入面供奉住黃帝的「軒轅殿」、炎帝「神農殿」、孔子「大成殿」，仲有供奉佛教「三寶佛」、「四大菩薩」同埋道教「三清殿」等，真係估佢唔到！

原圖嚟自網絡