呢排都同大家介紹過中國嘅航天史,亦都介紹過國際太空站係點嚟,而提起呢個由多個國家共同營運嘅太空站,其實就曾經喺命名上有住唔少嘅爭議。

國際太空站(Station spatiale internationale)其實最初提議嘅名係叫做「阿爾法(Alpha)太空站」,但當時嘅俄羅斯一聽到呢個名就即時提出反應。原來喺先前蘇聯以及俄羅斯都曾經成功地執行過8個太空站嘅任務,而阿爾法(Alpha)呢個名其實就係暗示緊國際太空站係人類歷史上第一個太空站,變相就好似否定緊前蘇聯同埋俄羅斯曾經做過嘅太空任務,所以就受到強烈嘅反對。

雖然後來國際太空站就冇用到最初提前阿爾法太空站嘅名,但第一批太空員登陸到太空站嘅時候,就將無線電呼號定為「阿爾法(Alpha)」,所以呢個叫法亦都沿用落嚟。

原圖嚟自網絡