讀過中史嘅史友都知，二十世紀二、三十年代日本响中國不斷製造事端迫害中國，响1928年5月3日發生嘅五三慘案就係其中之一。

五三慘案又叫濟南慘案，話說响1928年國民黨軍北伐個陣，日本為咗阻止北伐軍嘅步伐，於是製造咗一次殘殺中國人嘅事件。1928年5月1日，當時北伐軍入山東濟南城，結果入咗奉系軍閥張宗昌嘅管治區。不過，北伐軍進入濟南後，响商埠嘅日本僑民同佈防日軍即開始挑起事端，仲話日本方面就話北伐軍對城內嘅日本僑民進行搶劫、強姦、屠殺，於是就响5月3日出動軍隊進攻濟南，5月11日日軍攻陷濟南城，佔領濟南全境。响日本進攻至佔領濟南城呢段期間，就大肆屠殺中國軍人同民眾，造成6123人罹難。

原圖：網絡