埃及嘅木乃伊相信大家都應該聽唔少，甚至可能仲有史友親眼見過，咁孕婦木乃伊大家又唔知聽過未呢？

近排一個波蘭科學家團隊就表示，他們發現到迄今為止已知嘅唯一一具懷孕木乃伊。呢個項目就係通過研究華沙國家博物館收藏嘅文物而展開，而呢次科學家團隊研究嘅木乃伊原本就被以為係一位男性祭司，但後來通過掃瞄之後就發現原來係一個處於懷孕後期嘅女性。

而翻查返資料，呢具木乃伊過往係被稱為「神秘女人」，早喺1826年就捐贈咗畀華沙大學，當年捐贈者就聲稱木乃伊係王室陵墓內被發現，但當時嘅專家就發現靈柩係一位男性祭司，所以就有以上提到嘅誤會喇！

專家就認為呢個年齡處於20至30歲之間、死於公元一世紀嘅女性地位仲要係相當尊貴，身上亦都曾經有貴重嘅物品，而呢位女性嘅內臟器官都經過防腐包裹處理，但奇怪嘅係遺骸子宮內嘅胎兒並無被取出過，所以呢一點仲係未解之謎。

原圖嚟自網絡