繼續同史友們介紹一啲經常用到、但又有典故嘅用語。喺日常生活入面,好多時候都會話人唔精、好蠢,而書面寫出落就係「傻瓜」呢個詞,咁到底點解蠢人會被稱為「傻瓜」呢?阿史今次就同大家介紹下啦!

要介紹呢個詞,就要喺《左傳襄公十四年》范宣子對薑戎氏嘅講話開始講起。喺先秦時期,有個叫做「薑戎氏」嘅古老部落,佢哋嘅祖先因為被秦人追趕而離去故鄉去到瓜州。呢度所講嘅瓜州就即係河西走廊西端、甘肅省西北部酒泉地區。而聚居喺呢個地方嘅薑戎氏後裔都有個特點,就係性格忠厚,唔識得偷懶,做野果陣仲經常埋頭苦幹,令到周圍嘅人都叫佢哋做「瓜子族」,而「瓜子」呢個詞喺陝甘青西北地區就係解作「傻瓜」或 「傻子」嘅意思。而呢個詞經過慢慢演化之後,去到清代甚至仲流傳「傻瓜」呢個詞。

原圖嚟自網絡