每年嘅5月7日對中國而言都係一個傷感嘅日子,事關喺當年嘅今日就有一件被稱為1990年代「三大恨」之一嘅事件發生,呢件就係「美軍轟炸中國駐南斯拉夫使館事件」。

相信唔少史友都記憶猶新,喺上世紀90年代,南斯拉夫解體之後,原本六個加盟國就有四個宣布獨立,得返塞爾維亞同黑山兩國喺1992年4月重組成立南斯拉夫聯盟共和國,而當時中國中國駐前南斯拉夫大使館改為駐南聯盟共和國大使館。

本來一切都相安無事,但去到1996年南斯拉夫就爆發咗科索沃戰爭,中國喺呢個問題上就係支持塞爾維亞嘅,而以美國為主導嘅北約就介入咗戰爭,喺當時南斯拉夫境內不斷進行轟炸。喺1999年5月7日嘅晚上,屬於美國嘅B-2轟炸機發射咗5枚飛彈炸中咗塞爾維亞貝爾格萊德嘅中國駐南斯拉夫使館,造成3人死亡,多人受傷。

當時世界各國都紛紛譴責北約同美國嘅行為,當時美國總統克林頓為呢件事件向時任國家領導人江澤民道歉,並且解釋係因為用咗一份過時嘅地圖而發生誤炸,但大部分嘅中外媒體都唔相信呢個解釋。事件去到最後,美國就向中國政府支付2800萬美元賠款,而每年中國駐塞爾維亞大使館都會响當地舉辦悼念活動。

原圖嚟自網絡