香港雖然係彈丸之地，但其實喺呢片土地之下都有唔少古代嘅遺存，而今日喺科大又有一宗驚人嘅消息。

事源就係今日喺科大教職員宿舍附近山坡地盤，有工人喺施工期間就發現到有一條神秘隧道，仲有三個不明洞穴入口，當時地盤嘅負責人就即時報案，而得知呢個消息後古蹟辦亦都派員跟進。冇啦啦有條隧道喺宿舍嘅地盤，相信唔少史友都會好好奇到底呢條隧道係用嚟做咩。

據研究開香港歷史嘅蕭國健教授指出，就咁按現場相片嚟睇，呢個洞穴結構大致完整，洞穴頂部並冇支撐物，底部鋪又有磚塊，再加上現場有好多個入口，所以就推斷地下可能有一個隧道網絡，最有可能會係墓穴通道、軍事設施，開礦試挖等等，具體係啲咩就需要再一步發掘先知。

原圖嚟自網絡