提起西安著名嘅景點，相信唔少史友都會諗起西安嘅兵馬俑同埋城牆， 而近排就係內地嘅「五一」小長假，西安嘅城牆景區就出現一批身高米八以上嘅「唐武士」，到底係搞邊科呢？

話說喺五一期間，陝西西安嘅城牆景區就迎來客流高峯，而只要一人多，就總會有啲違規又或者唔文明嘅舉動出現。以往面對呢啲情況，好多時候都係由景區嘅工作人員勸阻，但亦都會產生唔少衝突。而呢次景區就諗到增設呢班「唐武士」，結果真係有非一般嘅效果。

呢班「唐武士」個個都身高一米八、身穿金黃鎧甲，腰佩寶劍，行起上嚟都已經相當威武。咁都未算，當佢哋見到遊客有唔文明嘅舉動果陣，佢哋就會抱拳再用上古代用語勸阻，就好似「請提履穿之」、「好漢！城池久矣，恐有安危

請移步」等等，而聽到咁樣嘅勸止，好多遊客都真係聽聽話話。網上事後就流傳唔少相關影片，唔少網友都大讚呢個方法好有創意，仲話值得推廣到全國咁話！

原圖嚟自網絡