界石類嘅古蹟阿史都同大家講唔少,界石最大嘅作用就係用嚟劃定同埋標示邊界,咁萬一界石移動咗又會發生咩事呢?

近日就有一位比利時農民喺農作果陣,無意之中術動咗一塊界石,呢個微細嘅舉動就令到比利時邊界擴大而法國邊界縮小。咁呢件事到底係點樣發現呢?原來比利時嘅歷史學家喺檢查界石果陣,就發現界石至少都已經有兩百幾年歷史,而其中一塊仲要係被移動咗2.29公尺。

事件公開之後引起兩日熱烈討論,原因係其實呢位農民無意中違反1820年簽署正式劃定比法邊境嘅《克特雷特條約》(Treaty of Kortrijk),而呢條條約正正就係喺比利時滑鐵盧戰敗五年之後用嚟劃定現在邊界嘅條約,小小一個舉動差啲就引起外交風波,真係估佢唔到。

原圖嚟自網絡