繼續同史友們介紹香港嘅一啲重要嘅歷史建築,上次就同大家介紹完位於沙頭角嘅客家大宅「發達堂」,而今次阿史就繼續同大家介紹下名人故居,位於蓮麻坑村、已經被列為法定古蹟嘅葉定仕故居。

呢座1907年建成嘅建築物係由葉氏第八代葉定仕出資興建,提起呢位人物,相信唔少史友都知道佢年少時就去過泰國做軍服製作,喺得到一定財富之後就喺泰國認識到孫中山。葉定仕喺19世紀90年代就已經加入同盟會,並且積極支持孫中山嘅革命活動,幫助客家人加盟,亦都參加過幾次反清起義。

而呢座葉定仕故居原本就係佢仿照孫中山喺翠亨村嘅故居仿照而成,所以呢座係中西建築風格、既有門廊、陽台、又有中式金字瓦頂、吉祥圖案壁畫,相當精彩。而喺1908年呢座建築建之後,其實葉定仕一家並未長居於此,係直到1936年泰國排華運動之後,葉定仕先至同家人回港定居。

原圖嚟自網絡