13年前，即2008年5月12日，當日下午2時28分四川省發生一次黎克特制八級大地震，呢次地震係繼唐山大地震之後傷亡最慘重嘅一次地震，造成咗超過六萬人死亡，好多人都响呢次大地震失去家園、失去至親，甚至失去生命。

呢次地震令四川阿壩藏族羌族自治州一段帶嚟毀滅性破壞，其中汶川縣更加係重災區，公路同鐵路都嚴重受損，令救援行動受阻，地震亦導致好多堰塞湖出現，令災情加劇。據統計，地震造成69,227人死亡、374,643人受傷，17,923人失蹤。當年災區一幕幕嘅情境，相信唔少史友應該都有深刻印象。對於國家受災，港人展出血濃於水嘅愛國情操，响短短一個月就為援助四川地震災民約十億元捐款，及後重建工作唔少港人同企業都積極參與。

原圖：網絡