郊野公園嘅野阿史响以前都介紹過唔少，相信史友們對郊野公園嘅由來都相當熟悉。咁史友又知唔知，原來郊野公園都有「擴建」呢回事呢？

阿史講緊嘅就係大潭郊野公園喇！响1979年，當時政府就將大潭郊野公園北面相連嘅區域，即柏架山及畢拿山北坡劃定郊野公園，呢個就係大潭郊野公園鰂魚涌擴建部份，又稱為鰂魚涌郊野公園。而呢個「擴建部份」，部分地段原本係屬於太古洋行所有，亦由於呢個地方以往係太古洋行一大堆實業嘅所在地，包括糖廠、船塢、外籍高級職員宿舍等，所以响呢個鰂魚涌郊野公園旁邊，就有好多屋苑。最出名就係港島東區藍籌屋苑康怡花園，仲有康景花園同南豐新邨，部分座數都係好近郊野公園，向山向南，聞說好硬呀，個樓價。

原圖：wenweipo, fso-createhk.gov.hk