繼續同史友們介紹每區一啲特色嘅古蹟,西式教堂、中式廟宇都同大家介紹唔少,所以今次阿史就同大家講下一舊石,一舊香港史前時期嘅石刻。

今次阿史要介紹嘅正正就係位於西貢區滘西洲西北岸嘅石刻,唔係睇佢只係一舊石,但其實就已經被列為法定古蹟喇!滘西洲喺1976年先被發現,而佢所在嘅位置其實陸路係好難可以去到,而且位置距離最高水位只有2米,都真係有啲危險架!

咁呢舊咁偏僻而且唔易見到嘅石刻到底有咩睇呢?雖然由於石刻鄰近海邊,唔石刻上唔少紋飾都已經經過風雨侵蝕,特別係下半部分,但如果細心留意,大家都應該會留意到石刻上面係有獸形紋樣,係香港同類型石刻之中比較少見嘅。至於點解要喺海邊巨石上刻呢個圖案呢?其實考古學界一直都冇結論,只可以推論係沿海居民嘅傳統信仰嚟。

原圖嚟自網絡