又嚟到當年今日嘅系列,今時今日中日之間經常都就住釣魚台有住各種嘅爭議,而呢一切嘅起源就係源自美國喺當年今日唔依照國際法行事而所引致,阿史今次就同大家講一講啦!

琉球群島其實就係太平洋西部嘅一系列島嶼,佢嘅範圍就係台灣同埋九州之間,當中就有沖繩群島、先島群島、尖閣群島等等,自古以嚟都係以琉球族為主,曾經亦都建立過琉球國等國家,早喺14世紀開始就同明朝以及後來嘅清朝政府都有住朝貢嘅關係。而呢個原本係獨立嘅國家,去到17世紀末期就被日本嘅薩摩藩侵略、喺明治維新時期就被強行編為令制國。而响1875年,日本就強迫琉球國王停止向中國朝貢,琉球遺使向中國求援,但當時李鴻章就唔想同日本失和而拒絕。

時間去到二戰太平洋戰爭期間,琉球群島就無奈成為一個軍事據點,美軍就喺1945年登陸沖繩本島成立美國海軍政府、1950年12月改組為琉球列島美國民政府,並且喺1953年至1972年間都將呢度三分之二嘅土地發展成一個軍事基本。

而到咗當年今日嘅1972年5月15日,按照國際法琉球理應重新成為一個自治國家,但當時美國就冇跟從,反而係將呢片土地交畀日本統治,所以就算嚟到今時今日,都仲有當地人要求沖繩同縣內附屬群島脫離日本統治,恢復獨立國家地位。

原圖嚟自網絡