繼續同史友們介紹一啲香港嘅特色歷史建築,廟宇、圍村、教堂都同大家講唔少,今次就介紹啲另類少少嘅建築,就係戰時嘅遺址、亦都係香港香港海拔最高嘅炮台喇!

阿史今次就想同大家講下呢座位於龍虎山之上嘅松林炮台。呢座炮台位於龍虎山克頓道附近,係由駐港英軍喺1901年動工興建嘅,去到1905年先至落成。至於點解冇啦啦要喺呢個地方興建炮台呢,原來係因為想防止當時法俄兩國侵略香港,而喺松林之間興建,就希望可以隱蔽到兩門6吋海防炮。

之但係,呢兩枝炮其實未發揮到作用之前,就因為1912年摩星嶺要塞落成而停用。雖然係咁,但去到30年代香港就再次陷入戰爭嘅恐懼當中,因應要抵禦空中攻擊,當時松林炮台就被改建成防空炮台,裝上兩門3吋高射炮,同埋增建多座營房。雖然英軍就做足準備,但去到1941年12月果陣,日軍喺開戰後就好快出動轟炸機空襲松林炮台、期後松林炮台都受到日軍炮兵隊攻擊,唔少設施好快就報廢,炮台亦都失去戰鬥能力。

時至今日,松林炮台遺址仍然保持完整,被列入香港二級歷史建築。

原圖嚟自網絡