今時今日香港仍然係世界上重要嘅轉口貿易港口之一,而喺當年今日就發生咗一件對成個海港經濟有重大打擊嘅事,就係聯合國通過對香港實施貿易禁運喇!

其實喺二戰嘅時候,香港喺戰爭當中都無可避免地受到破壞,而去到戰後港府就積極發展海港經濟,希望通過貿易令到香港經濟復甦。之不過,去到二戰後世界又再陷入另一場角力,就係韓戰喇!由於喺韓戰當中中國係北韓嘅盟友,而美國就係南韓盟友,所以當時美國就敦促聯合國同埋其他國家都對中國實施禁運。

喺1951年5月18日,美國操縱五屆聯合國大會通過決議,「立即對中國實行汽油、原子能材料、槍支、彈藥和其他軍用物資的禁運」;同年,美國又實施《1951年相互防禦援助管制法》,其中規定凡係接受美援嘅國家如果將「有戰略價值之運輸器材,以及用於製造軍械、彈藥及戰爭工具之首要戰略性物資」運到中國等社會主義國家,美國就停止援助。

結果就令到其他國家對包括中國在內嘅社會主義國家禁運300餘種戰略物資;甚至去到。1952年1月,美國政府仲再出爐《美國對香港和澳門的出口許可證政策》,對香港、澳門實行戰略物資禁運,一旦發現物資可能向共產黨國家轉運,就會向港、澳出口。對比1951年,1952年總出入口數字下降28.2%,禁運政策對香港經濟同埋市民生活造成嚴重打擊。

原圖嚟自網絡