我國第一次嘅首次火星探測任務當中,成功著陸嘅「天問一號」探測器傳回第一批火星相片,呢個創舉真係令人好鼓舞,亦標誌著中國响太空探索領域上成為世界前列國家,因為要探測器成功响火星著陸,中國係第二個成功嘅國家。

人類進入太空作太空探索係由二戰後開始,响上世紀五六十年代開始,蘇聯同美國兩個超級大國開始進行太空競賽,探索太陽系內嘅行星成為一個重要課題。第一個成功飛越火星嘅航天器,就係美國嘅水手四號,時間係响1965年。而响1971年,蘇聯嘅火星三號成功將着陸器降落至火星表面,不過着陸器响火星表面只係運作咗十幾秒就失去聯絡,所以有專家認為蘇聯未算成功將探測器安全送到火星上。到咗1976年,美國維京一號嘅探測器成功响西克里斯平原著陸,美國成為第一個將探測器成功送到火星表面嘅國家,人類亦通過維京一號傳返地球嘅照片,第一次見到火星嘅地貌。

响過去幾十年,蘇聯、美國、歐洲各國、日本、印度、阿聯酋等都嘗試將探測器送到火星表面,但當中就只有美國係成功。直到今次中國成功將探測器送到火星表面,可以話係相當厲害。

原圖:xinhua