繼續同史友們介紹近代中國嘅一啲神級運動員，早幾日就同大家講到劉國梁，今次都係繼續同大家介紹乒乓波界別嘅傳奇人物，相信唔少史友都知道佢係邊個嚟嘅，佢就係鄧亞萍喇！

提起呢個名，可能唔少史友都係佢粉絲，甚至仲有可能做過佢學生。呢份出生喺1973年鄭州嘅運動員，自小就受到父親影響鍾意打乒乓球，而佢父親亦都曾經係河南省乒乓球隊隊員。當年佢父親訓練佢嘅時候就表明「你身材不高，速度是關鍵，你既要打得快，還要跑得快，所以步伐一定要密。」

而呢句說話就成為咗鄧亞萍日後持到世界冠軍嘅關鍵，雖然佢只係得1.5米，但憑住快速嘅步伐同埋膽色，早喺10歲嘅時候鄧亞萍就已經拎到全國乒乓球比賽團體同埋單打兩項冠軍、15歲仲做埋亞洲冠軍。

雖然聽落好犀利，但亦都係因為佢身材矮小，鄧亞萍曾經喺河南省隊訓練僅15天後就被退回，直到後來國家女隊教練張燮林多次提出先至改變到呢個決定。鄧亞萍喺16歲就成功拎到首個世界冠軍，並且喺1989年到1997年一共拎咗六次世界乒乓波錦標賽冠軍同埋4個奧運會金牌，更加係1990年至1997年世界女子排行榜首位，真係前無古人，後亦都未必有來者！

鄧亞萍唔單止打波叻，原來讀書都一樣好叻。佢喺1997年退役之後就考取到清華大學獲得學士學位、諾丁漢大學碩士學位；2006年仲喺劍橋大學（劍橋大學耶穌學院）攻讀博士學位，而喺2016年佢仲做埋清華大學蘇世民學院嘅導師，真係完全冇諗過！

原圖嚟自網絡