美國塔爾薩種族大屠殺事件 數千白人縱火洗劫非裔企業

近日網上都流傳一條影片，入面就係一位107歲嘅非裔長者喺國會出席聽證會嘅場景，而佢當時嘅身份就係被稱為「美國史上最嚴重種族暴力事件」嘅倖存者。

據呢位婆婆所講，喺事發嘅時候佢都只係得7歲，而事件發生到依家事隔百年，佢都仍然忘記唔到當時白人暴徒嘅暴行。咁呢件事到底係點呢？原來喺1921年5月31日到6月1日期間，喺當時美國最富有嘅非裔美國人社區奧克拉荷馬州土爾沙格林伍德，就有一大批白人暴徒闖入攻擊，以持槍掃射、縱火、屠殺等方式社區內嘅居民。唔單止咁，佢哋仲洗劫、燒毀區內幾十家非裔企業、數千家非裔住宅，據事後估計，事件最終造成300人死亡並且有800人受傷。

本來發生咗呢啲咁殘忍嘅暴行理應有一個公平嘅裁決先係，之但係當時陪審團喺處理呢件事嘅時候，就發表報告將襲擊歸咎於非裔黑人社區，甚至有超過6,000名非裔美國人居民被逮捕、拘留數天，所以咁多年嚟非裔黑人嘅冤屈都未得到平反。