喺處理事情上面,如果冇辦法即時諗到解決方法但又唔想認輸嘅時候,好多時候有人提到「緩兵之計」呢個方法。顧名思義就即係用拖延時間嘅方式再慢慢諗辦法,而呢招計謀原來係出自《三國演義》架喎!

喺《三國演義》第九十九回就有講到,孔明同司馬懿喺祁山作戰,而當時蜀軍就已經消滅咗魏軍大將郭淮、孫禮,仲佔據埋武都、陽平。眼見呢個情況,張郃、戴陵等大將就帶兵前往救援,結果又係畀孔明打敗。而呢個局面雙方一直都對峙超過半個月,孔明眼見司馬懿唔敢出兵,就採取一招撤軍嘅緩兵之計,令到司馬懿驅兵追趕,結果司馬懿露出破綻,中計大敗。於是後世就將延緩對方進攻嘅計策稱之為「緩兵之計」喇!

原圖嚟自網絡