舍利子係乜嘢嚟？

對佛教有認識嘅史友，都應該聽過舍利子。咁大家知唔知舍利子係乜嘢嚟呢？

舍利子係指佛菩薩或佛界高僧圓寂之後，經過火化後得出來嘅晶體。《金光明經》有載：「舍利者，是戒定慧之所熏修，甚難可得，最上福田。」另據《印光大師文鈔》所載，舍利子是由僧人戒定慧功德力而成就的，是由戒定慧道力所成。但若果唔參考宗教觀去睇，就會有另一番見解。部分專家認為，舍利子其實係身體中嘅結石，因為僧人常吃素食，鈣質物積聚，鈣化物令身體出現結石現象，响僧人死後就留低咗結石，即係舍利子喇！不過，另一種講法係話，舍利子出現係同古時火化技術有關係。因為火化時因為溫度唔高，令骨中嘅碳酸鈣同鹽份結合，燒成結晶，就成為舍利子喇！

講開又講，聽信佛嘅人講，道行唔同嘅人睇舍利子顏色會有唔同，有現任電視台高層就講過佢响唔同時間先後兩次見同一顆舍利子，顏色就有所唔同。唔知史友們有無類似經驗呢？