提起晚清嘅重大歷史事件,義和團嘅運動絕對係當中嘅數一數二,事關呢場武裝排外嘅運動直接令到八國聯軍遠征天津同埋北京,改變咗晚清嘅局勢。

自從清朝喺甲午戰爭戰敗後,西方列強就將自己喺中國嘅勢力範圍入面建立社區,甚至仲通過基督教增加中原信徒。而呢批外來宗教嘅信徒亦都經常都黃河北岸農民發生衝突,於是喺1900年春季開始,呢種排外嘅意思就發展成武裝排外。當時喺直隸就有成千上萬個聲稱自己學咗義和拳嘅當地居民用到私刑處死咗唔少基督教中原信徒同埋外國人,而且仲縱火燒毀教堂同埋教徒房屋。

呢場運動當時係冇嚴密組織同埋統一領袖,而當時慈禧對於呢場義和團運動先後都有唔同態度,好似喺1900年1月果陣,慈禧就頒布上諭要求地方官只需查拿滋事匪徒、2月果陣就採用內部廷寄指示直隸、山東督撫,責成取締義和拳;但實際上官員好似袁世凱、山西巡撫毓賢都積極令到義和團興起。

1900年5月27日,近代義和團反帝愛國運動正式大爆發,直隸義和團進佔涿州城,由鄉村向城市發展,而北京、天津迅速成為運動中心,後來就令到列強覺得清政府鎮壓不力,直接出兵干涉,八國聯軍侵華就係咁發生喇!

原圖嚟自網絡