話說尋日教育局就向全港嘅學校公布咗國安教育科目嘅課程框架文件，當中嘅內容就涉及到中史、歷史、生活與社會同埋經濟四個新增科目，而阿史最關注嘅當然就係歷史嘅部分啦！

今次教育局就喺中國歷史同埋世界歷史方面入手，例如就喺秦漢至中華人民共和國唔同嘅歷史時期當中，挑選咗一啲可以畀學生學習到政治演變優秀文化傳統嘅國家重要歷史事件，就好似三國兩晉南北朝時期，就會重點介紹石窟藝術等，學生可以了解到中外文化交流；清朝時期就會介紹列強入侵對中國嘅歷程造成咩影響，而阿史最關注嘅就當然係抗戰嘅歷史啦！

喺民國去到抗日戰爭嘅課題上，初中同埋高中嘅學生似乎都可以有好多唔同嘅體驗。喺課程文件框入面就提到，學校可以安排學生專訪東江縱隊老戰士，同佢哋做口述歷史訪談、又可以舉行「抗日歌曲欣賞會」、同時都可以組織到南京虎門歷史考察，真係內容豐富之餘，又可以畀學生認識到國家安全嘅重要性！

原圖嚟自網絡