之前嘅帖介紹咗呢張經典嘅照片,呢張相係美國克爾中尉同東江縱隊成員嘅「五人照」。不過呢張相,就曾經引起過一次資料出錯。

响唔少有關東江縱隊嘅資料,談及呢張相個陣就話相中五人,由左起依次序為:黄作梅、劉黑仔、曾生、林展、尹林平。曾生係東江縱隊司令員,黄作梅係首席翻譯聯絡官,林展係翻譯,尹林平係東江縱隊政治委員,劉黑仔係港九大隊短槍隊隊長。由於劉黑仔個故事夠晒傳奇,所以唔少文獻都引用咗呢張相。

後嚟,有學者指呢張五人合照嘅人名,當中有兩個有錯誤。相中原本話係劉黑仔,其實係參謀處主任周伯明,相中原本話係尹林平,其實係縱隊司令部秘書長饒彰風。學者指最初有咁嘅懷疑,係因為劉黑仔生前無留低過任何照片,真係估佢唔到。

原圖:wikicommon