呢排都同史友們介紹唔少我國傳奇級嘅運動,對部分年輕嘅史友嚟講呢啲運動員嘅可以都會聽過,但就未必見過佢哋比賽果陣嘅英姿。而接下嚟阿史要介紹嘅呢位,相信無論史友們幾後生都好,都應該會睇過佢點樣成為世界級嘅「跨欄王」。

阿史今次要同大家介紹嘅正正就係創造咗亞洲田徑史嘅英雄,佢就係劉翔喇!劉翔出生喺1983年嘅上海,早喺七歲嘅時候就被校內嘅田徑隊教練睇出佢嘅天份,並且入選田徑隊。而喺佢早年進行田徑訓練嘅時候,佢其實唔係練習跨欄架,佢反而係主練跳高、輔練100公尺短跑,真係估佢唔到。咁劉翔又係因為咩原因而轉為練習短跑呢?而來喺1995年嘅一次比賽入面,佢就被上海體育運動技術學院田徑隊教練睇中咗,並且將佢轉調去練習一百米跨欄。

之不過,原來早年劉翔百米跨欄嘅表現係未如理想,最後都係要返到普通學校練習。而去到1997年,劉翔轉入上海市宜川中學入讀,冇幾耐喺著名嘅田徑教練孫海平爭取之下,劉翔先得以重新返到上海體育運動技術學院練習跨欄,並且喺呢段時間突飛猛進,入埋一線隊展開職業生涯。

喺劉翔展開職業生涯之後,佢先係喺2002年以13.12秒打破110公尺欄世界青年紀錄同埋亞洲紀錄、喺2004年雅典奧運會男子110公尺欄項目決賽就以12.91秒奪得金牌,打破奧運會記錄,為中國奪得首面男子田徑奧運會金牌,而呢面金牌亦都被稱為「含金量最重」金牌。而提起劉翔,其實仲有好多嘅故事可以同大家講,下篇再大家詳細介紹。

原圖嚟自網絡